Mynd með færslu

Örvarpið

Örvarpið er örmyndahátíð RÚV á netinu og vettvangur fyrir upprennandi, skapandi og framsækið fólk í kvikmyndalist.

Örvarpið 2017

Dóra

Dóra er 87 ára gullsmiður sem hefur starfað við sömu iðn og rekið verslun í 60 ár. Leikstýran Magnea B. Valdimarsdóttir lítur inn í heim Dóru og ört hverfandi stéttar sjálfstæðra kaupmanna með þessari heillandi stutt-heimildarmynd.
07.12.2017 - 21:00

Blindfolded – örmynd unga fólksins

Kona veit ekkert við hverju hún á að búast þegar hún er í bíl með þremur undarlegum mönnum og má hvorki sjá eða tala. „Blindfolded er skemmtileg örmynd eftir 15 ára upprennandi kvikmyndagerðamann, Árna Þór Guðjónsson. Nær Árni með þessari mynd að...
30.11.2017 - 21:00

Soft sticks

Soft Sticks er örmynd eftir Kötlu Sólnes. Hér er á ferð listræn mynd um upplifun kvenna í kvikmyndaiðnaðinum.
23.11.2017 - 21:00

Stökkpallur fyrir kvikmyndagerðarfólk

Örvarpið er örmyndahátíð á netinu, sem hefur verið starfrækt á RÚV.is í fjögur ár. Hátíðin hefur reynst ungu kvikmyndagerðarfólki vel segir Halldóra Rut Baldursdóttir framkvæmdastjóri hátíðarinnar.
09.11.2017 - 10:44

Fyrsta örmynd haustsins

Örvarpið, vettvangur örmynda á Íslandi, hóf sitt fimmta tímabil í haust með sýningu á myndinni Heim, eftir Björn Rúnarsson.
10.10.2017 - 18:39

Örvarpið hefur aftur göngu sína

Örvarpið, vettvangur örmynda á Íslandi, hefur aftur göngu sína í september, þegar opnað verður fyrir umsóknir um þátttöku í fimmta tímabili þess á RÚV.
29.08.2017 - 19:00

Örvarpið 2016 – taktu þátt í áhorfendakosningu

Hér gefst lesendum RÚV.is kostur á að kjósa sína uppáhalds örvarps-mynd en sú sem flest atkvæði fær verður örmynd ársins og hlýtur Go Pro myndavél að launum. Uppskeruhátíð Örvarpsins verður haldin 28. febrúar í Bíó paradís.
07.02.2017 - 13:48

Örvarpið 2016 – allar örmyndirnar

Örvarpið er örmyndahátíð RÚV en hún verður hluti af kvikmyndahátíðinni Stockfish í ár sem er haldin dagana 23. febrúar - 5. mars. 
07.02.2017 - 15:58

Lokað fyrir umsóknir

Örvarpið hefur nú lokað fyrir nýjar umsóknir en 12 örmyndir urðu fyrir valinu þetta tímabilið og verða síðustu tvær þeirra birtar á vefnum okkar á fimmtudagana 15. desember og 22. desember kl. 21.00.
13.12.2016 - 09:25

Örvarpið 2016

Vinnur með kyngervi og transfólk í sigurmynd

Örmyndin HAMUR eftir Völu Ómarsdóttir hlaut Örvarpann, siguverðlaunin í samkeppni Örvarpsins á Stockfish kvikmyndahátíðinni um helgina.
06.03.2017 - 11:04

Reach For Me

Tónlistamyndbandið Reach For Me er grafískt listaverk sem grípur auga áhorfendans um leið. Teiknuð veröldin er mögnuð viðbót við tónverkið; önnur vídd sem hrífur áhorfandann með sér í ævintýralegt ferðalag. Öll umgjörð og eftirvinnsla einkennist af...
22.12.2016 - 20:53

Revolve

Myndin Revolve fjallar um hina eilífu leit að sjálfinu. Útlit myndarinnar er mjög fallegt, kvikmyndatakan er vönduð og leikmyndin ævintýraleg. Myndin skilur í raun eftir fleiri spurningar en svör - líkt og leitin eilífa að sjálfinu.
15.12.2016 - 20:55

From this Angle

Fallegt sjónarhorn af sambandi lífs og listar. Tónlist og svipmyndir úr hversdagsleikanum vinna náið saman sem skapar heilstæða mynd af því nána umhverfi, þeim kjarna, sem listsköpun sprettur úr.
08.12.2016 - 20:55

Heimakær

Falleg heimild um þá kynslóð sem ólst upp án þeirrar tækni sem telst sjálfsögð í dag, kynslóð sem er hverfandi en minnir okkur á þau gildi sem við megum aldrei gleyma.
01.12.2016 - 20:55

Mamma martröð

Ímyndurnaraflið fær að njóta sín í myndinni Mamma Martröð. Myndin er vel unnin. Sterkir litir og undarlegar fígúrur dansa við drungalega tónlist sem gefa myndinni draumkenndan blæ – eða öllu heldur martraðarkenndan.
24.11.2016 - 20:55

Umsókn

Örvarpið hefur nú lokað fyrir umsóknir og lýkur þar með fimmta tímabili sínu á RÚV. Við sjáumst í vor á Stockfish Film Festival, þar sem valdar myndir verða sýndar í Bíó Paradís.

Kærar þakkir fyrir þátttökuna!

Hvað er Örvarpið?

Örvarpið er örmyndahátíð RÚV á netinu og vettvangur fyrir upprennandi, skapandi og framsækið fólk í kvikmyndalist.

Gerðu tilraunir með örmyndaformið, hvort sem eru tilraunakenndar stuttmyndir, vídeólist, hreyfimyndir, stutt-heimildarmyndir, tölvuteiknimyndir eða eitthvað allt annað – allt er leyfilegt.

Myndin má ekki vera lengri en 5 mínútur.

Sérstök valnefnd velur vikulega eitt verk til sýningar á haustin hér á vefsvæði Örvarpsins. Valin verk verða í kjölfarið til sýningar á vorin á örmyndahátíðinni Örvarpið í Bíó Paradís. Völdum verkum verða einnig gerð skil í sjónvarpi.

Hátíðin er ætluð öllum með áhuga á kvikmyndalist, reyndum sem óreyndum, ungum sem öldnum. Sendu okkur myndina þína! 

  • Hverjir mega taka þátt í Örvarpinu?
    Allir sem hafa áhuga á kvikmyndalist.
     
  • Hvert er aldurstakmarkið?

    Það er ekkert aldurstakmark.
     

  • Þarf ég að hafa reynslu af kvikmyndagerð?

    Nei, áhugi og vilji er allt sem þarf.
     

  • Hversu gamlar mega myndirnar vera?

    Það skiptir engu máli en skila þarf efninu á tölvutæku formi í gegnum vefinn.
     

  • Má senda inn tónlistarmyndband?

    Ef þú telur að það standi sem sjálfstætt verk er það alveg sjálfsagt. (Gættu þó að höfundarrétti tónlistarinnar).
     

  • Hvað er örmynd?

    Örmynd er mjög stutt kvikmynd. Örmynd segir sögu, lýsir atburði eða aðstæðum og/eða skapar myndræna upplifun.
     

  • Get ég sent ykkur fyrirspurn eða fengið frekari upplýsingar?

    Já, við erum með netfangið: orvarpid@ruv.is

Hafðu samband:

orvarpid(hjá)gmail.com

Facebook