Lokað á milli Fáskrúðs- og Stöðvarfjarðar

12.01.2018 - 20:44
Mynd með færslu
 Mynd: RÚV  -  Rúnar Snær Reynisson
Vegurinn á milli Fáskrúðsfjarðar og Stöðvarfjarðar er lokaður vegna vatnsskemmda. Vegurinn verður lokaður til morguns. Mikið vatn er víða fyrir austan, þar á meðal í Reyðarfirði og Norðfirði og getur vatn flætt yfir vegi og eru vegfarendur beðnir um að sýna sérstaka aðgát.

Á Austurlandi er víða greiðfært en þó eitthvað um hálkubletti. Mjög hvasst er á Fjarðarheiði og á Vatnsskarði eystra. Greiðfært er með suðurströndinni.

Aðalvegir eru að mestu greiðfærir á Suður- og Vesturlandi en hálkublettir eru á öðrum leiðum.

Á Vestfjörðum er hálka eða hálkublettir á flestum leiðum.

Víða er greiðfært á Norðurlandi en þó eru hálkublettir á nokkrum leiðum. 

Nánar má lesa um færð á vegum á vef Vegagerðarinnar