Kæra leyfi til fiskeldis í Dýrafirði

12.01.2018 - 19:48
Arnarlax, Laxeldi Sjókvíar, Fiskeldi, Arnarborg, Iðnaður, Tálknafjörður. Dróni.
Sjókvíar laxeldisstöðvar. Safnmynd.  Mynd: Jóhannes Jónsson  -  RUV.is
Náttúruverndarsamtök Íslands, Náttúruverndarfélagið Laxinn lifi og sex veiðiréttarhafar í við Ísafjarðardjúp hafa kært útgáfu Umhverfisstofnunar á starfsleyfi fyrir Arctic Sea Farm. Stofnunin gaf út leyfi fyrir 4.000 tonna ársframleiðslu á laxi og regnbogasilungi í opnum sjókvíum í Dýrafirði.

Kærendur segjast eiga mikilla hagsmuna að gæta af því að lífríki í átta ám verði ekki stefnt í hættu með lúsafári og mengun frá erlendum og framandi regnbogasilungi eða norskum kynbættum eldislaxi. Kærendur óttast að eldisfiskurinn dreifi sér í veiðiár allt í kringum landið auk þess sem eldið valdi stórfelldri saur- og fóðurleifamengun í nágrenni eldiskvínna. 

Uppfært 15. janúar: Í fréttinni kom fram að Arctic Seafarm sé með laxeldi í Ísafjarðardjúpi en fyrirtækið er með áform um laxeldi í Ísafjarðardjúpi.